Timminermut ilinniarit

Timminermut ilinniarit

Periarfissaqarputit timminermut ilinnialernissamut klubbi Nuummiittoq Sisimiuniittorluunniit attavigalugu.

Inuit 15-leereersimasut paragliderimut ilinnialernissaminnut aallartissinnaapput. Naammasinermi kingorna uppernarsaat aatsaat ilinniartoq 16-liippat tunniunneqarsinnaavoq.

Nunatsinni aarsaartartut ikippallaarnerat peqqutigalugu sukumiinerusumik akissarsiutigalugu inuuniutigalugulu ingerlanneqanngilaq. Ilinniartitsineq inuinnaat aarsaartartut soqutiginnissutertik malillugu sungisaasarput atuartitsisarlutillu sulinngiffimminni.

Qanoq sukkatigisumik nammineq aarsaalernissannut timmilernissannullu apeqqutaavoq illit nammineq piginnaasat "qunusuissusillu" peqatigiiffiullu sungiusaasui qanoq piffissaqartiginersut. Peqatigiiffiit ilaani silaannarmiilereersinnaavutit qaammatit pingasut iluani ilaannilu aatsaat kingusinnerusukkut ukiup ataatsip iluani.

Ilinniartitaaneq paragliderertartutut ilinniariaaseq ParaPro program malinneqarpoq Federation Aeronautique Internationale (FAI) aamma Commision Internationale de Vol Libre (CIVL) internationale-mik akuerisaanik. System-i tallimanik assigiinngitsunik imaqarpoq ilinniartup neriartornera malillugu trin 2-miit trin 5-mimut qulariartortarluni misilittakkat malillugit. Ilinniartinneqarnermi ilinniartup ineriartornini takutissavai nunami silaannarmilu piginnaasai taassumallu saniatigut atugarsorneq tunngavigalugu misilitsittoqartarluni. Peqatigiiffiit ilai aammattaaq neqeroorutigisarpaat marluuttarissamik aarsaarluni ilinniartinneqarsinnaaneq.

Paragliderertartutut ilinnialerusukkaanni peqatigiiffiit ilaanut nalunaaginnartarput peqatigiiffiulluunniit ilaasortaanut arlaanut saaffiginninnikkut. Ilinniartitsisut immikkut akuerisaanikut taava isumagissavaat qanoq ingerlariaqqittoqassanersoq. Peqatigiiffiit takusinnaavatit uani saamerlermi "klikkerlugit". Peqatigiiffiit ukiumut ataasiarlutik marloriarlutilluunniit atuagarsorlutik ilinniartitsisarput.

Atuarneq ilinniartinneqarnerlu akigikkajuttarpaa 3.500 4.500-jullu akornanni, akigititallu iluaniippoq peqatigiiffimmiit paragliderimik atortuinillu attartorneq. Ilinniartinneqarnermi atortunik attartorneq ParaPro trin 2-mut misilitsereernerup kingorna atuuttarpoq aammalu apeqqutaalluni peqatigiiffik qanoq ingerlatseriaaseqarnerluni. ParaPro trin 2-mut misilitsereernerup kingorna piffissanngortarpoq nammineq paraglideritaarnissaq atortui ilanngullugit. Paragliderit atortuilu nutaaqqissaat naliginnaasumik akeqartarput 23.000,- 32.000,- lu akornanni.

Aallarterlaat sapinngisamik kamippannik singernermut illersuutillit atortariaqarpaat aammattaaq hjelmeqanngikkaanni siumut pisiarereerlugu.